Dinar tunisien

مشكور على الموضوع الذي يمسّ مباشرة بواقعنا..نهارين لتالي نتابع في نسبة التضخّم للسنوات الفارطة لاحظت أنّه المعدّل السنوي للتضخّم في تونس حوالي 6% طبعا المواطن العادي ما يفهمش في الحسابات هذه لأنّه ببساطة نسبة التضخّم التي يسمعها في وسائل الإعلام يتمّ حسابها فقط لمدّة سنة واحدة و لهذا يشعر أنّ هذه الأرقام عاديّة و لكن بعمليّة بسيطة سنجد أنّ نسبة التضخّم لمدّة 4 سنوات فقط تصل إلى حوالي 24%..مثال شخص قام بادخار 10آلاف دينار في سبتمبر 2014 عندما يحتاج أمواله و يريد استعمالها في سبتمبر 2018 سيجد أنّها فقدت 1/4 قيمتها يعني اصبحت تساوي7500د (عمليّة تبخّـر سريعة للأموال أو سرقة دون وجود السّــارق !!)
الحلول: - لا..لا للادّخــار: ادّخــر فقط مبلغ بسيط للحالات الطّــارئة أمّــا باقي أموالك فلا تتركها عندك لأكثر من سنة
- كلّ ما تجمّع مبلغ مالي مهمّ سارع لصرفه فيما يلي: الضروريات التي تحتاجها في منزلك (نصيحة ابحث في المستعمل و ستجد صفقات جيّدة) - قم بشراء اشياء ثمينة يمكنك بيعها في المستقبل كالذّهــب أو السيّـارة - قم بشراء آلات يمكنك استعمالها لحاجياتك الشخصيّة و في نفس الوقت كرائها للآخرين مثلا لوح بناء، شنيول، ألة قص الحديد و الرخــام..- شغّل أموالك في مشروع بالشراكة مع أحد معارفك - قم بشراء عقارات مثلا منزل للكراء (إذا كانت الميزانية مرتفعة ..)

ارجو من اصحاب الخبرة أن يمدّونا بطرق جيّدة للاستثمار في الذهب لأنّه عندما أشتري مثلا صيغة ذهب جديدة و ابيعها بعد مدّة للصائغي سيشتريها منّي بثمن المستعمل و حتّى في صورة ارتفاع أسعار الذهب سيكون عائد الربح ضعيف جدّا

بالنسبة للسيارة ليست من الأصول المالية ولا من البضائع الثمينة التي تحافظ على القيمة كالمعادن الثمينة، طبعا باستثناء السيارات القديمة والنادرة التي تعتبر تحف تاريخية لكن السيارات العادية تفقد قيمتها مع الزمن.
بارتفاع نسبة التضخم في تونس هناك حل بسيط وسهل وفي متناول الجميع، طبعا هذا الحل لا يصلح لمن يملكون ثروات طائلة ولكن يصلح للمواطن البسيط اللي يحب يحافظ على قيمة لا تتجاوز 5000 دينار سنويا مثلا: إذا عندك اشكون يعيش في الخارج ويجي يصيف في تونس ويحب يبدل الأورو بفلوس تونسية باش يصرف منها في الصيف اهوكة في عوض يبدل فالبانكة أو في أي وكيل صرف بدلو انت اعطيه الفلوس التونسية اللي عندك وخوذ من عندو الأورو واستحفظ بيه اهوكة تحافظ على قيمة فلوسك في صورة الدينار يطيح مقابل الأورو.

والمسألة هذه راهي حسب ما نعرف قانونية 100% ومافيها شيء لأن المبالغ الي أقل من 10.000 دينار معفاة من التصريح عند الدخول أو الخروج.

و نهار اللي تحب تبدل فلوسك من الأورو للدينار يكفي باش تلقى اشكون يعيش في الخارج تتفاهم معاه باش تعملو العملية العكسية: يدخل هو 3000€ زايدين على حاجته، يبدلهم دينار تونسي فل بانكة أو في أي وكيل صرف ثم يعطيك الدينار التونسي وياخو من عندك الأورو وهو طبعا ينجم يروح بيه الأورو ويصرفو فلخارج.
وطبعا اذا لقيت امكانية اخرى لتبديل الأورو، تي قول على اشكون ترضى.